«جىل وتكەن سايىن شارانىڭ تانىمدىلىعى ارتىپ كەلەدى. استانا, ماسكەۋ, بىشكەك, ءنوۆوسىبىر, ومبى, تۇمەن, چەليابى, قاراعاندى, كوكشەتاۋ, قوستاناي قالالارىنان ءوتىنىش كوپ ءتۇستى. مۇنداعى ماقسات – جەتى قازىنىنىڭ ءبىرىنىڭ ءتۇرلى تۇقىمدارىن كورسەتۋ, ەڭ الەۋەتتىلەرىن ىرىكتەپ الۋ», دەيدى پەتروپاۆل قالالىق «بارري» يتتەردى ۇستايتىن اۋەسقويلار كلۋبىنىڭ ءتورايىمى يرينا پودسكرەبكينا.
تۇمەننەن كەلگەن كينولوگ, حەندلەر ەلەنا تيۋنتسەۆا بايقاۋعا امەريكالىق اكيتا, ستاففورد, يكۋتتىق لايكا, بيگەل جانە باسەندجي تۇقىمدارىن الىپ كەلىپتى. ارقايسىسى 200 مىڭ تەڭگەدەن 1 ميلليون تەڭگەگە دەيىن باعالاناتىن كورىنەدى. ال «باتلەر» ەسىمدى اعىلشىن بۋلدوگىنىڭ يەسى لاريسا سۋلتانوۆا ونى 600 مىڭ تەڭگەگە ساتىپ الىپتى. بيشون فريزە تۇقىمىنا جاتاتىن دەكوراتيۆتى يتتەردىڭ كەربەز ءجۇرىس-تۇرىسى, اسىرەسە, بالالاردىڭ كەرەمەت قىزىعۋشىلىعىن تۋدىردى. سونداي-اق, يرلانديالىق ءبورىباسار, الاباي, تازى, حاسكي, چاۋ-چاۋ, تاكسا, لابرودور سياقتى تۇرلەرى دە ۇشىراستى.
سىرتقى كەلبەتى, ەرەكشە تۇرقى جاعىنان ءبىر-بىرىنەن اساتىن ءتورت اياقتى «دوستارىمىزدىڭ» اراسىنان جەڭىمپازداردى انىقتاۋ قازىلار القاسىنا وڭايعا تۇسكەن جوق.
ءومىر ەسقالي,
«ەگەمەن قازاقستان»
